Activities – Horizon School

Regjistrimi i hershëm në Horizon School, hapi i parë drejt suksesit akademik

Çdo fëmijë ka talentin dhe aftësinë për të arritur sukses, por ajo që bën diferencën është rruga që zgjedhim për ta udhëhequr drejt së ardhmes. Edukimi në Horizon School nuk është vetëm një proces mësimor, por një udhëtim që formon mendjet e reja dhe i përgatit për të ardhmen.

Arsimi sipas standardeve të Cambridge International Education

Horizon School është e akredituar nga rrjeti prestigjioz i shkollave ndërkombëtare të Cambridge International Education, që është një tregues i cilësisë dhe standardeve të larta të arsimit që ofron institucioni ynë. Arsimi cilësor është baza për një të ardhme të ndritur. Ne e shohim mësimdhënien si një proces që zhvillon mendimin kritik, frymëzon kreativitetin dhe i përgatit nxënësit për të marrë përgjegjësi duke ndikuar pozitivisht në të ardhmen e tyre. Horizon School ofron një program inovativ, të përshtatur për çdo nxënës, ku metodat tona të mësimdhënies bazohen në studime bashkëkohore dhe nxisin potencialin maksimal për secilin nxënës.

Pse regjistrimi i hershëm bën ndryshim?

Regjistrimi i hershëm është një mundësi për t’i dhënë fëmijës tuaj një fillim me bazë të fortë, që ai të nxjerrë në pah gjithë potencialin e tij në një mjedis që zhvillon talentin dhe mendimin kritik. Stafi ynë i përkushtuar i mësimdhënësve, me metodat më të avancuara, bën të mundur që çdo nxënës të marrë gjithë vëmendjen dhe mbështetjen që i nevojitet. Përveç cilësisë së mësimdhënies, ne i kushtojmë rëndësi të veçantë edhe zhvillimit të aftësive sociale, përmes aktiviteteve jashtëshkollore, projekteve edukative dhe një mjedisi frymëzues që inkurajon bashkëpunimin dhe mbështetjen reciproke. Horizon School ka në fokus qasjen STEM, duke vendosur një themel të fortë në fusha thelbësore si matematika, shkenca, teknologjia dhe kodimi, ku programi synon të përshtatë arsimin me pikat e forta dhe synimet individuale të çdo nxënësi.

Transport, siguri dhe ambiente moderne

Përveç përkushtimit akademik, Horizon School ofron një ambient bashkëkohor me klasë moderne, laboratorë të avancuar dhe hapësira të gjelbëruara për rekreacion dhe mësim të integruar. Shkolla ofron shërbim të organizuar transporti për disa qytete përreth. Gjithashtu, masat tona të sigurisë në kampus përfshijnë monitorim të vazhdueshëm, personel të specializuar dhe një mjedis ku fëmijët ndihen të mbrojtur dhe të përfshirë në çdo hap të zhvillimit të tyre.

Duke zgjedhur Horizon School, ju i dhuroni fëmijës tuaj një edukim të standardeve më të larta dhe një të ardhme të ndritur që do ta mbështesë të rritet me vetëbesim. Regjistrimet janë të hapura, rezervoni vendin sot dhe bëjeni fëmijën tuaj pjesë të edukimit global në Horizon School!

Apliko Tani

E ardhmja nis me ne!

17 Shkurti – Kujtesë dhe Krenari në Horizon School

Pavarësia e Kosovës nuk është vetëm një moment
historik, por një dëshmi e sakrificave, guximit dhe përpjekjeve të vazhdueshme
për liri. Në nder të kësaj dite të madhe, organizuam një program të veçantë, i
cili solli një përjetim të paharrueshëm për nxënësit, prindërit dhe të gjithë
të pranishmit.

Aktiviteti u hap me një interpretim emocionues të
Himnit të Kosovës, ku kori i shkollës, i shoqëruar nga tingujt e violinës dhe
kitarës, krijoi një atmosferë magjike. Më pas, Kryetari i Bordit të Shkollës,
Prof. Dr. Besim Beqaj, foli mbi rolin e edukimit në formimin e gjeneratave të
reja dhe rëndësinë e ruajtjes së vlerave kombëtare.

Drama “Rajonet e Kosovës”, e interpretuar
nga nxënësit, përcolli një mesazh të fuqishëm mbi historinë dhe kulturën e
trevave tona, duke vënë në pah identitetin dhe traditat që na karakterizojnë.

Vallja “Baresha”, u interpretua nga
nxënëset, duke sjellë në skenë një pjesë të bukurisë së folklorit shqiptar.

Recitali emocional “17 Shkurti” përshkroi
fuqishëm sakrificat që sollën ditën e sotme.

Instrumentali
“Mora fjalë” u soll në një formë të veçantë përmes tingujve të
çiftelisë dhe baterisë, duke rikthyer emocionet e muzikës tradicionale.

“Unë jam shqipe nga Kosova”, e kënduar nga
nxënësit më të vegjël, përcolli energjinë dhe dashurinë për atdheun, duke
simbolizuar brezin që do ta çojë përpara këtë vend.

“Historia e vonshme e shtetit të Kosovës”,
një dramë e interpretuar me pasion, rikujtoi sfidat dhe rrugën e gjatë drejt
pavarësisë.

“Rrjedhë në këngë e ligjërime”, e shoqëruar
nga kori i shkollës, solli një moment artistik të veçantë që emocionoi çdo të
pranishëm.

Ekspozita me punime artistike, të krijuara nga
nxënësit, pasqyroi kreativitetin dhe
ndjenjat e tyre për shënimin e kësaj dite madhështore.

“Drenica
ime” dhe “Pavarësia” u interpretuan me shpirt dhe emocion, duke
sjellë në skenë energjinë dhe pasionin e nxënësve përmes këngëve dhe valleve tradicionale.

Ky program nuk ishte vetëm një moment festiv, por një
mundësi për të kujtuar të kaluarën me krenari dhe për të frymëzuar brezat e
ardhshëm drejt një të ardhmeje të ndritur.

Horizon School feston Ditën e Flamurit!

28 Nëntori shënon një ditë të veçantë për të gjithë shqiptarët anembanë botës, ditën kur flamuri kuqezi u ngrit në Vlorë në vitin 1912, duke simbolizuar pavarësinë, çlirimin dhe krenarinë kombëtare. Kjo ditë shënon një festë kombëtare, ku shkolla jonë ka përgatitur një program të plotë festiv me nxënësit tanë. Ditë më parë, nxënësit tanë të vegjël vizituan zyrën e Ambasadorit të Shqipërisë, z. Petrit Malaj, duke i shprehur urimet e tyre për këtë festë të veçantë.

Programi ynë filloi nën tingujt emocionues të Hymnit të Flamurit, të interpretuar me violinë nga nxënësi ynë i talentuar Rron Kryeziu. Në fjalën hyrëse, nxënësit tonë hapën këtë program duke na kujtuar të gjithëve rëndësinë e kësaj feste. Programi festiv vazhdoi me një fjalim të veçantë nga drejtori i shkollës sonë, z. Bardh Ahmeti, duke ngjallur një ndjenjë të thellë krenarie dhe dashurie. Fjalimi i drejtorit ishte një kujtim i vlerave kombëtare që na bashkojnë nën flamurin kuqezi.

Më pas filluan shfaqjet artistike, ku secila shfaqje pasqyronte kulturën e pasur kombëtare. Interpretimi i “Fjalëve të Qiriut” nga kori i shkollës mbushi dhomën me emocione, ndërsa nxënësit më të vegjël i kënaqën të gjithë me vallëzimin e tyre “Kuq e Zi”.

Shfaqja e dramës na ktheu pas në kohë, duke na kujtuar sakrificat e bëra për pavarësi. Programi vazhdoi me interpretimin emocionues të këngës “Trim mbi trima”, si dhe me recitale, vallëzime dhe performanca muzikore nga klasa të ndryshme, duke përfshirë vallëzimin modern nga nxënësit nën ritmin “Kno bilbil fushave”. Duke i dhënë një prekje të veçantë ngjarjes, nxënësit performuan “Fustani me pika”, duke sjellë ngrohtësi dhe gëzim në skenë.

Një moment i paharrueshëm ishte kënga “Atdheu im”, interpretuar nga nxënësit dhe udhëhequr nga mësimdhënësja jonë e dashur, Fatjona Matoshi. Interpretimi nxori në pah dashurinë dhe përkushtimin që çdo nxënës ndjen për vendin e tij. Aktiviteti kulmoi me një performancë të fuqishme të valles tradicionale tropojane, një simbol i trashëgimisë së pasur kulturore dhe kombëtare.

Para mbylljes së programit, u ftuan të gjithë të vizitojnë ekspozitën e klasave parafillore, ku nxënësit shfaqën krijimet e tyre artistike të frymëzuara nga motivet kombëtare. Përkushtimi, dashuria dhe përpjekja e bërë në punën e tyre është një dëshmi e ndikimit të kësaj dite në brezat e ardhshëm.

Kjo ditë është më shumë se një datë historike, është një kujtesë e fuqishme se kush jemi dhe cila është trashëgimia jonë kulturore dhe historike përmes muzikës, vallëzimit, dramës dhe artit.

Gëzuar Ditën e Flamurit nga Horizon School!

blog_0000_WhatsApp-Image-2024-11-28-at-1.53.12-PM

blog_0001_WhatsApp-Image-2024-11-28-at-1.53.12-PM-(1)

blog_0006_WhatsApp-Image-2024-11-28-at-1.53.45-PM-(3)

blog_0004_WhatsApp-Image-2024-11-28-at-1.53.45-PM-(1)

blog_0005_WhatsApp-Image-2024-11-28-at-1.53.45-PM-(2)

blog_0007_WhatsApp-Image-2024-11-28-at-1.53.45-PM-(4)

blog_0008_WhatsApp-Image-2024-11-28-at-1.53.45-PM-(5)

blog_0009_WhatsApp-Image-2024-11-28-at-1.53.45-PM-(6)

blog_0010_WhatsApp-Image-2024-11-28-at-1.53.45-PM-(7)

blog_0011_WhatsApp-Image-2024-11-28-at-1.53.47-PM-(1)

blog_0014_WhatsApp-Image-2024-11-28-at-1.53.48-PM

blog_0015_WhatsApp-Image-2024-11-28-at-1.53.48-PM-(1)

WhatsApp Image 2024-11-28 at 1.53.48 PM (8)

blog_0018_WhatsApp-Image-2024-11-28-at-1.53.48-PM-(5)

blog_0019_WhatsApp-Image-2024-11-28-at-1.53.48-PM-(6)

blog_0020_WhatsApp-Image-2024-11-28-at-1.56.27-PM

blog_0021_WhatsApp-Image-2024-11-28-at-1.56.27-PM-(1)

blog_0023_WhatsApp-Image-2024-11-28-at-1.56.31-PM

blog_0026_WhatsApp-Image-2024-11-28-at-1.56.35-PM

blog_0027_WhatsApp-Image-2024-11-28-at-1.56.36-PM

blog_0029_WhatsApp-Image-2024-11-28-at-1.53.00-PM

blog_0028_WhatsApp-Image-2024-11-28-at-1.56.37-PM

WhatsApp Image 2024-11-28 at 1.56.35 PM (1)

Përkushtimi i shkollës Horizon për zhvillimin e qasjes STEM

Në botën e sotme dixhitale, qasja STEM (Shkencë, Teknologji, Inxhinieri dhe Matematikë) po formëson çdo aspekt jetësor. Nga teknologjia e komunikimit, tek zbulimet e vazhdueshme të shkencës, matematikës dhe inxhinierisë, çdo fushë ka ndikim të vazhdueshëm në jetën tonë të përditshme. Prandaj, në ditën e kushtuar ndaj qasjes STEM, është thelbësore që të njihet rëndësia e këtij edukimi, jo vetëm në zhvillimin e njohurive, por edhe në nxitjen e një ndryshimi pozitiv që mbështet nxënësit në zhvillim drejt së ardhmes.

Në kuadër të planprogramit tonë shkollor, ne i japim prioritet kësaj qasjeje, jo vetëm nga njohuritë teorike, por edhe përmes projekteve të shumta, punës praktike në laboratore, si dhe orëve të kodimit dhe programimit. Është e rëndësishme që të kuptohet se njohja e koncepteve qysh nga mosha e re, do të ju ofrojë nxënësve një mundësi që të jenë në dijeni të këtyre fushave dhe rëndësisë së tyre.

Qasja STEM nuk është e kufizuar. Nxënësit tanë vazhdimisht inkurajohen të mendojnë jashtë kutisë, të krijojnë gjëra të reja dhe të ndërtojnë mendime kritike. Përmes pyetjeve, analizës dhe vlerësimit të informacionit në mënyrë kritike, nxënësit mësojnë se si të zgjidhin problemet dhe sfidat me të cilat mund të përballen çdo ditë. Përmes vlerësimit, ata do të jenë të gatshëm që të gjejnë zgjidhje praktike dhe të lehta.

Gjithashtu, përgatitja profesionale e mësimdhënësve tanë, si dhe ambientet moderne të Horizon School, u ofrojnë nxënësve një mjedis nxitës, frymëzues dhe bashkëpunues që të zhvillohen më tutje.

Dita e kushtuar ndaj qasjes STEM na kujton se e ardhmja duhet të krijohet nga mundësitë e pafundme që kemi në këto kohë. Duke investuar në edukimin e fëmijëve, ne po ushqejmë një brez që janë të pajisur jo vetëm me njohuri, por me një vizion afatgjatë. Së bashku, përpiqemi që të ndërtojmë një të ardhme ku nxënësit tanë janë të përgatitur për të ndryshuar, udhëhequr dhe formësuar botën.

E ardhmja nis me ne!
Horizon School, a Cambridge International School

Tetori Rozë: Fuqizimi i ndryshimit dhe veprimit përmes edukimit në shkollë

Tetori rozë shënon muajin e kancerit të gjirit, një nga kanceret më të zakonshme, i cili prek miliona gra në mbarë botën dhe nuk ndikon vetëm tek të prekurit, por edhe në familje, shoqëri dhe komunitetin përreth. Megjithatë, ndërgjegjësimi, zbulimi i hershëm dhe trajtimi në kohë mund të përmirësojnë ndjeshëm rezultatet dhe të shpëtojnë jetën e pacientëve. Edukimi i vajzave dhe grave rreth metodave të zbulimit të hershëm si vetë-ekzaminimi, mamografia dhe të kuptuarit e faktorëve të rrezikut, luan një rol vendimtar në këtë aspekt. Megjithatë, rritja e ndërgjegjësimit nuk ka të bëjë vetëm me edukim, por edhe me krijimin e një mjedisi mbështetës ku gratë ndihen të fuqizuara për të marrë përgjegjësinë për shëndetin e tyre.

Si institucion arsimor, ne në Horizon School e njohim rëndësinë e ndërgjegjësimit për kancerin e gjirit dhe kuptojmë përgjegjësinë tonë për të edukuar dhe ndërmarrë veprime konkrete. Këtë vit, kemi shkuar përtej diskutimeve në klasë për të ndërmarrë hapa të prekshëm drejt ndryshimit. Si pjesë e fushatës sonë ndërgjegjësuese këtë tetor, kemi organizuar një aktivitet që synon edukimin e nxënësve, stafit dhe prindërve për parandalimin e kancerit të gjirit, simptomat dhe zbulimin e hershëm. Në kuadër të aktivitetit tonë, kemi mbledhur fonde financiare për të mbështetur shoqatat që punojnë me gratë e prekura nga kanceri i gjirit, kryesisht shoqatën RENESANSA. Fondet e mbledhura do t’i dhurohen kësaj shoqate që ofron shërbime thelbësore si mbështetje, këshillim dhe rehabilitim për gratë që kalojnë nëpër trajtim dhe shërim.

Nëpërmjet kësaj nisme, ne synojmë jo vetëm të mbledhim fonde, por edhe të frymëzojmë një ndjenjë komuniteti dhe mbështetje. Nxënësit tanë patën mundësinë të marrin pjesë në shitjen e ushqimeve të përgatitura nga ata, shitjen e “pink ribbons” dhe të marrin pjesë në ekspozitën e artit me temën “Pink Month”. Ndërmjet këtyre aktiviteteve, nxënësit panë sesi veprimet e tyre, sado të vogla qofshin, mund të kontribuojnë në një kauzë më të madhe dhe të bëjnë një ndryshim të vërtetë në jetën e atyre që kanë më shumë nevojë. Duke u angazhuar në këtë fushatë ndërgjegjësimi për kancerin e gjirit, nxënësit mësuan rreth rëndësisë së shëndetit, mbështetjes së personave të prekur nga ky kancer apo çfarëdo sëmundje tjetër dhe mbrojtjen e kauzave të rëndësishme.

Kanceri i gjirit mund të na prek të gjithëve, drejtpërdrejt ose tërthorazi, dhe ne besojmë se shkollat mund të luajnë një rol kryesor në promovimin e ndërgjegjësimit dhe ofrimin e mbështetjes. Së bashku, ne mund të nxisim një mjedis ku ndërgjegjësimi çon në veprim, parandalim dhe shpresë. Le të vazhdojmë të qëndrojmë të bashkuar në luftën kundër kancerit të gjirit, sepse në këtë sfidë askush nuk e meriton t’a përballojë i vetëm.

Shëndeti mendor ka rëndësi: Krijimi i një mjedisi shkollor mbështetës

Çdo vit me datën 10 tetor, shënohet Dita Ndërkombëtare e Shëndetit Mendor, një ditë që thekson rëndësinë e shëndetit dhe mirëqenies mendore në të gjitha aspektet jetësore. Duke u foksuar kryesisht në fushën e arsimit, shëndeti mendor luan një rol kryesor në rritjen dhe zhvillimin e nxënësve në shkolla. Si mësimdhënës, prindër dhe staf shkollor, kemi për detyrë që të krijojmë një mjedis, ku nxënësit ndihen të mbështetur emocionalisht dhe psiqikisht, duke siguruar që ata të mund të arrijnë suksese në formën e tyre më të mirë.

Pse është i rëndësishëm shëndeti mendor në shkolla?

Shëndeti mendor shpeshherë neglizhohet, por është po aq thelbësor sa shëndeti fizik në përcaktimin e suksesit të një nxënësi në shkollë. Organizata Botërore e Shëndetit (OBSH) e përkufizon shëndetin mendor si “një gjendje e mirëqenies në të cilën çdo individ është i aftë të realizojë potencialin e tij dhe të përballojë streset e përditshme, duke realizuar synimet e tij në mënyrë produktive”. Kjo do të thotë që nxënësit duhet të ndihen të sigurt, të mbështetur dhe të aftë të shprehin lirisht mendimet, emocionet dhe veprimet e tyre.

Ngarkesat e ndryshme si presioni i detyrave, marrëdhëniet shoqërore me bashkëmoshatarët dhe ndikimet e mediave sociale mund të ndikojnë ndjeshëm në mirëqenien mendore të një nxënësi. Këto presione shpeshherë mund të çojnë në ankth, gjendje depresive dhe probleme të tjera, të cilat mund të pengojnë zhvillimin dhe performancën e nxënësve. Prandaj, shkollat kanë rol kryesor në mbështetjen dhe ndërgjegjësimin për shëndetin mendor, duke krijuar ambiente pozitive për menaxhimin e stresit dhe problemeve tjera.

Si vepron Horizon School në ndërgjegjësimin dhe mbështetjen e nxënësve në shëndetin mendor?

Si shkollë, ne e kuptojmë nevojën dhe rëndësinë e shëndetit mendor, prandaj kemi krijuar një zonë komode dhe të sigurt për nxënësit tanë. Fillimisht, psikologia jonë e dashur e shkollës ofron një hapësirë konfidenciale ku nxënësit mund të ndajnë mendimet, emocionet dhe përvojat e tyre, duke i ndihmuar ata të tejkalojnë sfidat e përditshme që mund t’i hasin gjatë zhvillimit të tyre.

Përveç psikologes, mësimdhënësit tanë të përkushtuar luajnë një rol thelbësor në monitorimin e shëndetit mendor të nxënësve. Ata njohin nxënësit, sfidat dhe punojnë së bashku me psikologen për shfaqjen e shqetësimeve të ndryshme. Gjithashtu, të gjithë anëtarët e stafit tonë shkollor janë pranë dhe në çdo kohë të hapur për secilin nxënës, duke ju ofruar zgjidhje dhe mbështetjen e nevojshme. Ne besojmë dhe jemi të angazhuar në forcën e përbashkët me të gjithë, për ndërtimin e një komuniteti të shëndetshëm shkollor. Ne inkurajojmë dialogun e hapur ndërmjet nxënësve, prindërve dhe stafit, duke u përpjekur vazhdimisht që të sigurohemi që asnjë nxënës të mos ndihet i padëgjuar dhe i nënvlersuar. Shëndeti mendor është i integruar në plan programin tonë, ku nxënësit mësojnë dhe edukohen më shumë rreth shëndetit mendor dhe rëndësisë së tij.

Kur nxënësit ndihen të mbështetur, performanca e tyre në shkollë përmirësohet, marrëdhëniet bëhen më të forta dhe sfidat kapërcehen shumë më lehtë në një mjedis pozitiv dhe inkurajues. Dita Ndërkombëtare e Shëndetit Mendor shërben si një kujtesë për rëndësinë e mirëqenies mendore në çdo fushë të jetës. Në Horizon School, ne angazhohemi vazhdimisht që nevojat e nxënësve t’i kemi prioritet, veçanërisht në tema të ndjeshme si shëndeti mendor, emocional dhe fizik.

E ardhmja nis me ne!

Përfitimet e të qenurit pjesë e rrjetit prestigjioz të Cambridge International Education

Ofrimi i mundësive më të mira për fëmijët tanë nuk është është vetëm një qëllim, është një përgjegjësi e plotë për secilin nga ne. Ne në Horizon School, jemi të përkushtuar për të përmbushur këtë përgjegjësi duke ofruar më të mirën për nxënësit tanë. Tash e një vit, Horizon School është akredituar nga rrjeti prestigjoz i shkollave ndërkombëtare të Cambridge International Education, një moment historik që ka shënuar fillimin e një rrugëtimi transformues për nxënësit dhe mësimdhënësit tanë. Ky akreditim nënkupton më shumë se një titull, ai përfaqëson angazhimin tonë për të ofruar standardet më të larta të arsimit në Kosovë.

Çfarë do të thotë të jesh i akredituar si Cambridge International School dhe si përfitojnë nxënësit tanë?

Të qenurit shkollë e akredituar si Cambridge International School është një tregues i cilësisë dhe standardeve të larta të arsimit që ofron institucioni ynë. Ky akreditim, i dhënë nga Cambridge International Education, kërkon që shkolla të përmbushë kriteret rigoroze në lidhje me përmbajtjen e plan programit, metodave të mësimdhënies dhe mbështetje e vazhdueshme për zhvillimin profesional të mësimdhënëve.

Për nxënësit tanë, ky akreditim ofron një sërë përfitimesh të rëndësishme. Ata kanë qasje në materiale dhe burime të avancuara, mundësi për të zhvilluar aftësi kritike dhe analitike në nivelin më të lartë dhe për të ndjekur një program arsimor që është i njohur dhe i respektuar në të gjithë botën. Horizon School përmes akreditimit si Cambridge international School, u mundëson nxënësve të saj që t’i nënshtrohen testeve ndërkombëtare të përgatitura nga Cambridge International Education dhe nëse i kalojnë me sukses këto teste, ata do të pajisen me diplomë të njohur globalisht.

Pas pajisjes me diplomë, nxënësit e Horizon School kanë mundësi të shkëlqyera për të vazhduar studimet në universitete prestigjioze dhe për të zhvilluar karriera ndërkombëtare, duke e bërë diplomën e tyre një pasaportë të vlefshme për mundësi globale.

Plan programi ynë mësimor është gërshëtim i përkryer i kurrikulës së MASHTI-it dhe programit të avancuar të Cambridge, i hartuar për të sfiduar nxënësit duke i inkurajuar ata të mendojnë dhe të analizojnë secilën nga lëndët mësimore. Qasja jonë nuk bazohet vetëm në procesin mësimor, por edhe në zhvillimin e karaktereve të forta individuale, zhvillimin e aftësive ndërpersonale dhe shoqërore, si dhe përballjen me sukses të çdo sfide drejt së ardhmes.

Për më tepër, plan programi i Horizon School ka në fokus qasjen STEM, duke vendosur një themel të fortë në fusha thelbësore si matematika, shkenca, teknologjia dhe kodimi, por gjithmonë në përputhje me talentet dhe aktivitetet jashtëshkollore të nxënësve. Ky program siguron që çdo nxënës mund të përshtatë arsimin e tij me pikat e forta dhe synimet e tij individuale.

Ne jemi të përkushtuar të përmirësojmë vazhdimisht standardet tona, duke siguruar që nxënësit tanë të marrin përgatitjen më të mirë të mundshme për të ardhmen e tyre. Ky akreditim është më shumë se një grup standardesh; është një rrugë drejt suksesit, duke u ofruar nxënësve tanë njohuri, aftësi dhe zhvillim. Qëllimi ynë në Horizon School nuk është vetëm të edukojmë, por edhe të fuqizojmë nxënësit tanë për të arritur një të ardhme të suksesshme. Duke qenë pjesë e rrjetit të Cambridge International Education, ne kemi zgjeruar perspektivat dhe horizontet tona, jo vetëm si shkollë, por edhe për prindërit dhe nxënësit tanë.

E ardhmja nis me ne!

Dita e parë e shkollës në Horizon School!

2 Shtatori shënoi fillimin e një viti të ri shkollor, i mbushur me emocione, momente dhe fillime të reja, ndërsa mirëpritëm nxënësit në ditën e parë orientuese në Horizon School. Gjatë kësaj dite, shkolla jonë planifikoi disa aktivitete mirëseardhjeje për prindërit dhe nxënësit,
veçanërisht për ata që filluan për herë të parë rrugëtimin në bankat shkollore.

Një mirëseardhje e ngrohtë për nxënësit dhe prindërit!

Nxënësit dhe prindërit u pritën nga një atmosferë festive që u organizua në shkollën tonë. Në hyrje, të gjithë patën mundësinë të krijonin kujtime dhe momente të paharrueshme për ditën e parë të shkollës. Një pikë e veçantë ishte këndi i photobooth 360 gradë, një zonë e dedikuar për
të bërë foto dhe video argëtuese dhe virale.

Dita orientuese filloi zyrtarisht me një fjalim të ngrohtë mirëseardhjeje nga drejtori i nderuar i shkollës sonë, Z.Bardh Ahmeti, i cili ndau me ne disa fjalë frymëzuese për të nisur vitin e ri shkollor. Në vijim, nxënësit e rinj dhe prindërit patën mundësinë të takohen dhe të prezantohen me mësimdhënësit e Horizon School. Kjo ishte një mundësi e jashtëzakonshme që nxënësit të fillojnë të njihen paraprakisht me mësimdhënësit e tyre që do të jenë së bashku gjatë këtij viti
shkollor.

Gjithashtu, dita ishte e mbushur me aktivitete dhe lojëra argëtuese të organizuara nga maskotat profesionale dhe mësimdhënësit. Këto aktivitete i ndihmuan nxënësit tanë më të vegjël të ndihen të qetë, të njihen me shokët e klasës dhe të nisin vitin shkollor me buzëqeshje dhe lumturi.

Aktivitetet orientuese vazhduan gjatë gjithë ditës për nxënësit e shkollës sonë. Ata kaluan kohë duke u duke u njohur edhe me hapësirat e shkollës, duke përfshirë klasat moderne, bibliotekën, laboratorët shkencorë dhe hapësirat e tjera kyçe. Të gjitha këto aktivitete dhe lojëra të ndryshme, jo vetëm që e bënë ditën më të këndshme, por gjithashtu inkurajuan nxënësit të lidhen me shokët e klasës, duke vendosur themelet për një mjedis shkollor mbështetës dhe bashkëpunues.

Dita e parë e shkollës në Horizon School ishte një ditë e paharrueshme, plot me të qeshura, argëtim dhe momente, për të filluar sa më mirë këtë vit të ri shkollor. Jemi të lumtur që nxënësit tanë janë rikthyer përsëri në bankat shkollore dhe presim me padurim të shohim procesin mësimor, arritjet dhe sukseset që do të sjellë ky vit shkollor.

Urime të gjithë nxënësve dita e parë e shkollës! Qoftë një vit i mbarë për të gjithë!

E ardhmja nis me ne!

457736013_498003226325561_5571473271811581697_n

458223516_498003299658887_3311411601810096559_n

457667415_498002099659007_8056027810413993756_n

458217971_498002139659003_8337676669694744999_n

458224450_497998189659398_1031972609528935999_n

457854584_497999629659254_6614434493458176222_n

458285885_497999332992617_2918948015839924137_n

458189963_498001382992412_886614236386122752_n

457854853_497998052992745_1849213014763750198_n

458084414_498005112992039_1340507580477541464_n

457556925_498006216325262_2598596798338876928_n

457521173_498005626325321_5106230190270274047_n

457730357_498005232992027_4429653476140339749_n

Përgatitjet për shkollë: Këshilla thelbësore për fillimin e një viti të ri shkollor

Me përfundimin e pushimeve verore dhe afrimin e një viti të ri shkollor, ne jemi të mbushur me emocione! Por ka diçka të rëndësishme për prindërit që duhet ta kenë parasysh përpara se të fillojë shkolla. Gjatë verës, fëmijët shpesh i ndryshojnë oraret e tyre të zakonshme, ndaj është e rëndësishme të sigurohet një fillim i qetë dhe i suksesshëm, duke nisur edhe para ditës së parë të shkollës. Këtu janë disa këshilla kryesore për të ndihmuar fëmijët tuaj të përgatiten për vitin e ri shkollor.

Rregullimi i orarit të gjumit

Me fillimin e vitit të ri shkollor është e rëndësishme që dalëngadalë të ndryshoni orarin e gjumit të fëmijës suaj. Filloni të rregulloni orarin e gjumit të paktën një javë përpara fillimit të shkollës, duke synuar një rutinë të qëndrueshme të fjetjes dhe të zgjimit që përputhet me orarin e mësimit. Fëmijët duhet të pushojnë mirë ashtu që të fokusohen maksimalisht në mësime!

Krijimi i një përditshmërie të organizuar të ditës

Filloni të riorganizoni rutinat e mëngjesit dhe të mbrëmjes që do të vazhdojnë sapo të fillojë shkolla. Kjo mund të përfshijë caktimin e një ore të rregullt për mëngjes, organizimin e detyrave dhe çantës së shkollës, si dhe përgatitjen e rrobave një natë më parë. Shprehitë e vazhdueshme ndihmojnë në krijimin e një dite të organizuar mirë dhe pa ngarkesë si për ju ashtu edhe për fëmijët tuaj!

Organizimi i pajisjeve dhe materialeve shkollore

Një nga mënyrat më të mira për të nisur vitin shkollor është duke i pasur gati të gjitha materialet e nevojshme para fillimit të shkollës. Krijoni një listë të artikujve të kërkuar bazuar në nivelin e klasës së fëmijës tuaj dhe rekomandimet e shkollës. Përfshini fëmijën tuaj në procesin e organizimit të materialeve shkollore, për një përvojë më emocionuese të fillimit të shkollës!

Vendosja e qëllimeve dhe pritshmërive të përbashkëta

Fillimi i një viti të ri shkollor është periudha ideale për të biseduar me fëmijët tuaj dhe për pritshmëritë dhe qëllimet që keni. Nxitini ata të reflektojnë mbi atë që duan të arrijnë në shkollë, në shoqëri dhe në zhvillimin e aftësive personale. Për më tepër, diskutoni pritshmëritë tuaja në lidhje me detyrat e shtëpisë, sjelljen dhe kohën para ekranit për t’u siguruar që të gjitha planifikimet të jenë në harmoni me ju dhe fëmijët tuaj.

Krijimi i një energjie pozitive para fillimit të vitit të ri shkollor

Para fillimit të vitit shkollor duhet të mbizotërojë një energji pozitive! Bisedoni me fëmijët tuaj për emocionet e reja, kalimin e sfidave dhe të gjitha çështjet me interes. Trajtoni çdo shqetësim ose problem që fëmijët mund të kenë dhe sigurohuni që të krijoni një përshtypje që mund të bisedoni hapur me ta jo vetëm para fillimit të vitit shkollor, por në çdo kohë. Duke u përgatitur për vitin e ri shkollor, ju mund ta ndihmoni fëmijën tuaj të ndihet i sigurt, I organizuar dhe gati për suksese. Ne ju urojmë të gjithëve një fillim sa më të mbarë dhe të suksesshëm. Mezi po presim të ju shohim në Horizon School!

Sekretet e aktiviteteve verore për fëmijë

Vera është kohë magjike për fëmijët, një stinë plot mundësi, aventura dhe liri për të eksploruar. Për prindërit dhe mësimdhënësit e Horizon School, është thelbësore që fëmijët të shfrytëzojnë sa më mirë pushimet verore. Këtu janë disa sekrete për të zbuluar aktivitetet më të mira verore, për të gjithë fëmijët pavarësisht nivelit të shkollimit.

Rëndësia e aktiviteteteve verore për fëmijët

Përveç ofrimit të shkollës verore nga Horizon School, aktivitetet tjera gjatë pushimeve janë thelbësore për zhvillimin e nxënësve. Ky angazhim me aktivitete ndihmon që fëmijët të qëndrojnë fizikisht aktivë, të vazhdojnë të mësojnë edhe kur nuk janë në shkollë dhe të zhvillojnë aftësi të reja. Aktivitetet verore gjithashtu nxisin krijimtarinë, pavarësinë dhe ndërveprimin shoqëror, të cilat janë të rëndësishme për rritjen dhe mirëqenien e tyre të përgjithshme.

Aktivitetet për fëmijët e klasave parafillore

Për nxënësit tanë të vegjël, vera është koha perfekte për të eksploruar përmes lojës. Ja disa aktivitete që kombinojnë argëtimin dhe mësimin së bashku:

Shëtitje dhe eksplorim në natyrë: Merrni fëmijët tuaj në shëtitje në natyrë ku mund të mbledhin thesare të ndryshme. Krijoni një lojë kërkimi me sende të thjeshta për të gjetur, që i ndihmon ata të mësojnë më shumë rreth mjedisit.

Krijimi i veprave të artit: Përgatisni një kënd krijues me materiale si letër, ngjyra, ngjitës dhe bojë. Inkurajoni ata të krijojnë vepra arti të frymëzuara nga temat verore si plazhi, dielli dhe kafshët.

Lojëra me ujë: Aktivitetet e thjeshta si përdorimi i balonave me ujë ose krijimi i një parku të vogël uji me kova dhe lodra, mund të mbajnë fëmijët të argëtuar dhe të freskët gjatë ditëve të nxehta të verës.

Aktivitetet për fëmijët e shkollës fillore

Fëmijët e shkollës fillore janë kureshtarë dhe plot energji. Ja disa aktivitete për t’i mbajtur të angazhuar gjatë sezonit veror:

Eksperimente shkencore: Eksperimente të thjeshta, si krijimi i një vullkani me sodë buke dhe uthull ose krijimi i një lënde ngjitëse, mund të ngjallin interesin për shkencën dhe të ofrojnë orë të tëra argëtimi.

Sfida leximi: Inkurajoni fëmijët të marrin pjesë në një sfidë leximi verore. Krijoni një listë me libra të përshtatshëm (duke marrë parasysh edhe listën e librave që janë propozuar nga mësimdhënësit për nxënësit gjatë verës) dhe vendosni një synim me fëmijën tuaj, duke inkurajuar vazhdimisht leximin, të paktën 1 ose 2 orë në ditë.

Sportet dhe lojërat në natyrë: Organizoni ditë sportive me aktivitete si futbolli, basketbollit, noti apo edhe lojëra të thjeshta. Lojërat në natyrë si fshehja, ndjekja dhe kapja e flamurit mund t’i mbajnë ata aktivë dhe social.

Aktivitete për nxënësit e shkollës së mesme të lartë

Nxënësit e shkollës së mesme apo adoleshentët mund ta shfryztëzojnë verën për të thelluar interesat e tyre dhe për t’u përgatitur për të ardhmen. Ja disa ide:

Punë vullnetare: Inkurajoni fëmijët të bëjnë punë vullnetare në komunitetin e tyre. Qoftë ndihma në një bamirësi lokale, pjesëmarrja në pastrimin e mjedisit, ose dhënia e mësimit për nxënësit më të vegjël, puna vullnetare ndërton karakterin dhe empatinë.

Zhvillimi i aftësive: Vera është një kohë e shkëlqyer që nxënësit të përvetësojnë aftësi të reja ose të riforcojnë aftësitë e tyre ekzistuese. Inkurajoni ata të merren me hobi apo pasione si fotografia, vallëzimi, këndimi, vizatimi, gatimi ose performanca me instrumente muzikore.

Përgatitja për karrierë: Nxënësit e shkollës së mesme mund të përdorin verën për t’u përgatitur për universitetin dhe karrierën e tyre të ardhshme. Kjo mund të përfshijë hulumtimin e universiteteve, përgatitjen për provimet pranuese, pjesëmarrjen në programe verore ose edhe të bëjnë praktikë.