Dita e parë e shkollës!

Po e fillojmë këtë vit të ri shkollor të emocionuar për rrugëtimin tonë të deritanishëm dhe për të ardhmen e ndritur që po na pret. Jemi rritur shumë dhe shëndetshëm, falë besimit të prindërve, punës së palodhshme të mësimdhënësve tanë dhe përkushtimit të udhëheqësisë së shkollës sonë për të vazhduar rrugëtimin si pionier i arsimit në vend.

Për të gjithë nxënësit tanë, veçanërisht për ata që sot u ulën në bankat shkollore për herë të parë, kujtojeni që mësimi është një rrugëtim që do ju shoqërojë gjatë gjithë jetës suaj. Ju e keni mundësinë që të krijoni të ardhmen tuaj nëpërmjet njohurive dhe shkathtësive që do të fitoni këtu në Horizon School.

Le të fillojmë këtë vit shkollor me dëshirën e jashtëzakonshme për të mësuar, për të zbuluar gjëra të reja dhe për të krijuar përvoja të paharrueshme.

Qoftë një vit i mbarë për të gjithë!

E ardhmja nis me ne!