Viti i ri shkollor nisi me shumë buqeta lulesh, përqafime mes fëmijëve dhe mësuesve të tyre të dashur.

Horizon School u kujdes të bëjë pritjen më të bukur për nxënësit që iu rikthyen shkollës pas pushimeve verore, si dhe për ata që u bashkuan për herë të parë.
Nxënësit dhe prindërit u mirëpritën me një atmosferë festive në oborrin e shkollës: kënd fotografish me photobooth, maskota profesionale, tabela me emra dhe bexha mirëseardhjeje për më të vegjlit që nisën për herë të parë këtë rrugëtim. Këto detaje e bënë ditën më të veçantë dhe më të lehtë për fillim.

Aktivitetet orientuese vazhduan gjatë gjithë ditës, ku nxënësit patën mundësinë të njihen me klasat moderne, bibliotekën, laboratorët shkencorë dhe hapësirat e tjera kyçe të shkollës. Loja dhe argëtimi u kombinuan me mësimin, duke inkurajuar miqësi të reja dhe bashkëpunim që nga dita e parë.
Kjo ditë u shndërrua në një përvojë të paharrueshme, plot energji pozitive dhe lumturi për nxënësit tanë.

Horizon School uron të gjithë nxënësit për një vit të mbarë dhe të suksesshëm!

E ardhmja nis me ne!

Vera është një periudhë magjike për fëmijët. Ajo lidhet me lirinë, me lojën dhe me kurreshtjen për të zbuluar më shumë nga bota që i rrethon. Në Horizon School, kjo periudhë nuk shihet si një shkëputje nga edukimi, por si një mundësi për ta jetuar dijen në forma të reja, më të lira dhe më tërheqëse.

Nga 30 qershori deri më 11 korrik, shkolla verore në Horizon School hap dyert për fëmijët e moshës 6 deri në 10 vjeç, duke ofruar një program gjithëpërfshirës që ndërthur lojnë, dijen dhe aventurën në një përvojë që lë gjurmë.

Më shumë se argëtim, një rrugëtim zhvillimi!

Në thelb të këtij programi qëndron filozofia që edukimi nuk ndalet me përfundimin e vitit shkollor, ai thjesht merr një formë më të lirë dhe më krijuese. Si një Cambridge International School, Horizon School ofron një ambient ku fëmijët ndihen të sigurt për të provuar, për të gabuar, për të mësuar dhe për të zbuluar veten nëpërmjet përvojës.

Çfarë i pret fëmijët këtë verë?

• Aktivitete STEAM dhe kodim, që zhvillojnë të menduarin logjik dhe kreativitetin digjital
• Art, muzikë dhe dramë, ku kreativiteti vjen natyrshëm dhe shprehja bëhet më e lirë
• Arte marciale, sport dhe lojëra të ndryshme në natyrë, për të forcuar trupin, shpirtin garues dhe ndjenjën e bashkëpunimit
• Eksperienca të reja çdo ditë, që nxisin komunikimin, miqësitë e reja dhe dëshirën për të mësuar

Çdo aktivitet është menduar për të ndihmuar fëmijët të zbulojnë aftësitë e tyre, të provojnë diçka të re dhe mbi të gjitha, të ndihen të vlerësuar për atë që janë.

Ky kombinim e bën programin veror të Horizon School një vend ku mësimi nuk ndihet si detyrim, por si lojë që frymëzon dhe mbetet në kujtesë si një nga përjetimet më të dashura të fëmijërisë.

Një verë që formon më shumë sesa kujtime

Shkolla verore në Horizon School nuk është thjesht një program i përkohshëm, por është një përvojë e qëndrueshme që i pajis fëmijët me aftësi përtej korrikut, si vetëbesimi, ndërveprimi shoqëror dhe përgatitja emocionale për sfidat e reja.

Fëmijët që ndjekin shkollën verore hyjnë në vitin e ri shkollor më të motivuar, më të pjekur dhe më të hapur ndaj dijes dhe bashkëpunimit.

Në Horizon School, vera është përvojë.

Loja bëhet mësim. Aventura kthehet në rritje. Dija ndodh natyrshëm, përmes buzëqeshjesh dhe zbulimesh që zgjasin.

Në një botë ku ndryshimet ndodhin me shpejtësi marramendëse, edukimi nuk mund të jetë më vetëm një proces i transmetimit të njohurive akademike. Sot, më shumë se kurrë, shkollat kanë një detyrë të rëndësishme: të përgatisin gjeneratat e ardhshme për një jetë të pasur, të balancuar dhe me kuptim. Pikërisht në këtë drejtim, Horizon School dallohet përmes një qasjeje holistike ndaj edukimit.

Çfarë është qasja holistike në edukim?

Qasja holistike i trajton nxënësit si individë me shumë dimensione  – intelektual, emocional, social, fizik dhe etik. Nuk është thjesht një proces për të mësuar fakte apo për të kaluar teste, është një përpjekje për të zhvilluar çdo aspekt të personalitetit të një nxënësi.

Në Horizon School, kjo qasje reflektohet në çdo hap të udhëtimit të nxënësve, nga klasat me numër të vogël të nxënësve që ofrojnë vëmendje individuale, te aktivitetet që forcojnë kreativitetin, ndjeshmërinë dhe  vetëbesimin.

Si e zbaton Horizon School qasjen holistike?

• Mësimdhënie e fokusuar në nxënësin

Mësuesit i njohin nevojat individuale të nxënësve dhe përshtatin metodat sipas stilit të të nxënit të secilit. Promovohet mësimi aktiv, ku nxënësi është pjesëmarrës i drejtpërdrejtë në proces. Mësuesit nuk shohin vetëm shifrat në fletë, por fokusohen te potenciali dhe nevojat e veçanta të çdo fëmije.

• Fokus te mirëqenia emocionale dhe sociale

Në një mjedis ku nxënësit ndihen të respektuar dhe të përkrahur, ata zhvillojnë ndjeshmëri, vetëbesim dhe aftësi për të ndërvepruar me të tjerët. Nxënësit në Horizon School përmes orëve të edukimit social-emocional mësojnë për vetëdijen emocionale, ndjeshmërinë dhe bashkëpunimin

• Kreativiteti dhe aktivitetet jashtëshkollore

Nga artet dhe sportet, deri te aktivitetet shkencore dhe klubet kreative, nxënësit në Horizon eksplorojnë interesa të ndryshme që formojnë mendje të hapura dhe krijuese. Çdo nxënës inkurajohet të shprehë veten dhe të eksperimentojë me ide të reja.

• Njohja ndërkombëtare përmes Cambridge Accreditation

Si një shkollë e akredituar nga Cambridge International, Horizon garanton që nxënësit të jenë të përgatitur për sfidat globale. Përveç standardeve të larta akademike, ky akreditim hap dyer për mundësi studimi dhe karriere në nivel ndërkombëtar.

• Përfshirja e prindërve dhe komunitetit

Në Horizon School organizohen takime të rregullta dhe aktivitete ku prindërit janë të ftuar të kontribuojnë në procesin edukativ. Po ashtu, nxënësit angazhohen në projekte që lidhen me komunitetin, duke ndërtuar ndjenjën e përgjegjësisë sociale.

Pse është e rëndësishme qasja holistike?

Një shkollë që përqafon qasjen holistike nuk formon vetëm nxënës të suksesshëm, por edhe qytetarë të përgjegjshëm dhe individë të përmbushur. Fëmijët që mësojnë në një mjedis të tillë zhvillojnë aftësi që u shërbejnë gjatë gjithë jetës: mendim kritik, ndjeshmëri, qëndrueshmëri emocionale dhe vetëbesim.

Bashkohuni me ne në ndërtimin e një brezi që sheh përtej horizonteve!

E ardhmja nis me ne!

Çdo fëmijë ka talentin dhe aftësinë për të arritur sukses, por ajo që bën diferencën është rruga që zgjedhim për ta udhëhequr drejt së ardhmes. Edukimi në Horizon School nuk është vetëm një proces mësimor, por një udhëtim që formon mendjet e reja dhe i përgatit për të ardhmen.

Arsimi sipas standardeve të Cambridge International Education

Horizon School është e akredituar nga rrjeti prestigjioz i shkollave ndërkombëtare të Cambridge International Education, që është një tregues i cilësisë dhe standardeve të larta të arsimit që ofron institucioni ynë. Arsimi cilësor është baza për një të ardhme të ndritur. Ne e shohim mësimdhënien si një proces që zhvillon mendimin kritik, frymëzon kreativitetin dhe i përgatit nxënësit për të marrë përgjegjësi duke ndikuar pozitivisht në të ardhmen e tyre. Horizon School ofron një program inovativ, të përshtatur për çdo nxënës, ku metodat tona të mësimdhënies bazohen në studime bashkëkohore dhe nxisin potencialin maksimal për secilin nxënës.

Pse regjistrimi i hershëm bën ndryshim?

Regjistrimi i hershëm është një mundësi për t’i dhënë fëmijës tuaj një fillim me bazë të fortë, që ai të nxjerrë në pah gjithë potencialin e tij në një mjedis që zhvillon talentin dhe mendimin kritik. Stafi ynë i përkushtuar i mësimdhënësve, me metodat më të avancuara, bën të mundur që çdo nxënës të marrë gjithë vëmendjen dhe mbështetjen që i nevojitet. Përveç cilësisë së mësimdhënies, ne i kushtojmë rëndësi të veçantë edhe zhvillimit të aftësive sociale, përmes aktiviteteve jashtëshkollore, projekteve edukative dhe një mjedisi frymëzues që inkurajon bashkëpunimin dhe mbështetjen reciproke. Horizon School ka në fokus qasjen STEM, duke vendosur një themel të fortë në fusha thelbësore si matematika, shkenca, teknologjia dhe kodimi, ku programi synon të përshtatë arsimin me pikat e forta dhe synimet individuale të çdo nxënësi.

Transport, siguri dhe ambiente moderne

Përveç përkushtimit akademik, Horizon School ofron një ambient bashkëkohor me klasë moderne, laboratorë të avancuar dhe hapësira të gjelbëruara për rekreacion dhe mësim të integruar. Shkolla ofron shërbim të organizuar transporti për disa qytete përreth. Gjithashtu, masat tona të sigurisë në kampus përfshijnë monitorim të vazhdueshëm, personel të specializuar dhe një mjedis ku fëmijët ndihen të mbrojtur dhe të përfshirë në çdo hap të zhvillimit të tyre.

Duke zgjedhur Horizon School, ju i dhuroni fëmijës tuaj një edukim të standardeve më të larta dhe një të ardhme të ndritur që do ta mbështesë të rritet me vetëbesim. Regjistrimet janë të hapura, rezervoni vendin sot dhe bëjeni fëmijën tuaj pjesë të edukimit global në Horizon School!

 Apliko Tani

E ardhmja nis me ne! 

Pavarësia e Kosovës nuk është vetëm një moment historik, por një dëshmi e sakrificave, guximit dhe përpjekjeve të vazhdueshme për liri. Në nder të kësaj dite të madhe, organizuam një program të veçantë, i cili solli një përjetim të paharrueshëm për nxënësit, prindërit dhe të gjithë
të pranishmit.

Aktiviteti u hap me një interpretim emocionues të Himnit të Kosovës, ku kori i shkollës, i shoqëruar nga tingujt e violinës dhe kitarës, krijoi një atmosferë magjike. Më pas, Kryetari i Bordit të Shkollës, Prof. Dr. Besim Beqaj, foli mbi rolin e edukimit në formimin e gjeneratave të reja dhe rëndësinë e ruajtjes së vlerave kombëtare.

Drama “Rajonet e Kosovës”, e interpretuar nga nxënësit, përcolli një mesazh të fuqishëm mbi historinë dhe kulturën e trevave tona, duke vënë në pah identitetin dhe traditat që na karakterizojnë.

Vallja “Baresha”, u interpretua nga nxënëset, duke sjellë në skenë një pjesë të bukurisë së folklorit shqiptar.

Recitali emocional “17 Shkurti” përshkroi fuqishëm sakrificat që sollën ditën e sotme.

Instrumentali “Mora fjalë” u soll në një formë të veçantë përmes tingujve të çiftelisë dhe baterisë, duke rikthyer emocionet e muzikës tradicionale.

“Unë jam shqipe nga Kosova”, e kënduar nga nxënësit më të vegjël, përcolli energjinë dhe dashurinë për atdheun, duke
simbolizuar brezin që do ta çojë përpara këtë vend.

“Historia e vonshme e shtetit të Kosovës”, një dramë e interpretuar me pasion, rikujtoi sfidat dhe rrugën e gjatë drejt
pavarësisë.

“Rrjedhë në këngë e ligjërime”, e shoqëruar nga kori i shkollës, solli një moment artistik të veçantë që emocionoi çdo të pranishëm.

Ekspozita me punime artistike, të krijuara nga nxënësit, pasqyroi  kreativitetin dhe ndjenjat e tyre për shënimin e kësaj dite madhështore.

 “Drenica ime” dhe “Pavarësia” u interpretuan me shpirt dhe emocion, duke sjellë në skenë energjinë dhe pasionin e nxënësve përmes këngëve dhe valleve tradicionale.

Ky program nuk ishte vetëm një moment festiv, por një mundësi për të kujtuar të kaluarën me krenari dhe për të frymëzuar brezat e ardhshëm drejt një të ardhmeje të ndritur.

E ardhmja nis me ne! 

28 Nëntori shënon një ditë të veçantë për të gjithë shqiptarët anembanë botës, ditën kur flamuri kuqezi u ngrit në Vlorë në vitin 1912, duke simbolizuar pavarësinë, çlirimin dhe krenarinë kombëtare. Kjo ditë shënon një festë kombëtare, ku shkolla jonë ka përgatitur një program të plotë festiv me nxënësit tanë. Ditë më parë, nxënësit tanë të vegjël vizituan zyrën e Ambasadorit të Shqipërisë, z. Petrit Malaj, duke i shprehur urimet e tyre për këtë festë të veçantë.

Programi ynë filloi nën tingujt emocionues të Hymnit të Flamurit, të interpretuar me violinë nga nxënësi ynë i talentuar Rron Kryeziu. Në fjalën hyrëse, nxënësit tonë hapën këtë program duke na kujtuar të gjithëve rëndësinë e kësaj feste. Programi festiv vazhdoi me një fjalim të veçantë nga drejtori i shkollës sonë, z. Bardh Ahmeti, duke ngjallur një ndjenjë të thellë krenarie dhe dashurie. Fjalimi i drejtorit ishte një kujtim i vlerave kombëtare që na bashkojnë nën flamurin kuqezi.

Më pas filluan shfaqjet artistike, ku secila shfaqje pasqyronte kulturën e pasur kombëtare. Interpretimi i “Fjalëve të Qiriut” nga kori i shkollës mbushi dhomën me emocione, ndërsa nxënësit më të vegjël i kënaqën të gjithë me vallëzimin e tyre “Kuq e Zi”.

Shfaqja e dramës na ktheu pas në kohë, duke na kujtuar sakrificat e bëra për pavarësi. Programi vazhdoi me interpretimin emocionues të këngës “Trim mbi trima”, si dhe me recitale, vallëzime dhe performanca muzikore nga klasa të ndryshme, duke përfshirë vallëzimin modern nga nxënësit nën ritmin “Kno bilbil fushave”. Duke i dhënë një prekje të veçantë ngjarjes, nxënësit performuan “Fustani me pika”, duke sjellë ngrohtësi dhe gëzim në skenë.

Një moment i paharrueshëm ishte kënga “Atdheu im”, interpretuar nga nxënësit dhe udhëhequr nga mësimdhënësja jonë e dashur, Fatjona Matoshi. Interpretimi nxori në pah dashurinë dhe përkushtimin që çdo nxënës ndjen për vendin e tij. Aktiviteti kulmoi me një performancë të fuqishme të valles tradicionale tropojane, një simbol i trashëgimisë së pasur kulturore dhe kombëtare.

Para mbylljes së programit, u ftuan të gjithë të vizitojnë ekspozitën e klasave parafillore, ku nxënësit shfaqën krijimet e tyre artistike të frymëzuara nga motivet kombëtare. Përkushtimi, dashuria dhe përpjekja e bërë në punën e tyre është një dëshmi e ndikimit të kësaj dite në brezat e ardhshëm.

Kjo ditë është më shumë se një datë historike, është një kujtesë e fuqishme se kush jemi dhe cila është trashëgimia jonë kulturore dhe historike përmes muzikës, vallëzimit, dramës dhe artit.

Gëzuar Ditën e Flamurit nga Horizon School!